Talasalitaan - Noli Me Tangere

Kubyertos – Kutsara / Ang kubyertos ay isang uri ng kasangkapang pangkain. Ito ay hango mula sa salitang cubiertos sa wikang Espanyol na pareho ang kahulugan.

Pinasasaringan – Pinariringgan

Sumulak – "SULAK" pagkulo ng niluluto na pagkain o pagtaas ng tulak ng dugo ng tao dahil sa matinding galit.Ang isang anyo nito na "SUGBU" ay isang pagkulo ng niluluto o nag iinit na bagay na kasisimula palamang. Halimbawa ng gamit= 1.) Na sugbu na ang sinaing, angateh ang takip nang huwag umapaw. 2.) Ibuhos ang isda sa kumukulong tubig na may lubus nang mga sangkap upang maiwasan ang paglansa ng sabaw ng nilulutong sinigang. 3.) nasulak ang dugo ko sa pag uugali ng mga tao sa lugar na iyan!

Dinaluhong -  Sinugod / lumapit ng may kakaibang bilis

Iniamba -  iniumang / itinutok ang hawak na sandata o anumang gamit na hawak.

Magbubulid – (bulid) : timbuwang, handusay, buwal, tumba, bulagta, bagsak, lagpak

Sermon –  mangaral / (nangangaral, nangaral, mangangaral)

Ipinukol – pinatamaan / Binato / Pinasaringa  / Hinagisan

Gitgitan –  latay / bakas ng palo ng katawan  / marka ng pagkatali  / sikip / ngitngit ng ngipin

Nanlilibak – pangungutya / panunuya / pagkutya / pagtuya / pagtukso

Humahangos – nagmamadali sa pagdating

Magsuplong – Magsumbong, sabihin ang nalalaman

Sinunggaban - biglang pagkuha o pagdakma sa isang bagay

Maghihimagsik - magrebelde, pagrebeldehan, lumaban

Ipinain – inilagay sa panganib

Kwartel : Ikapat na bahagi; labing limang minuto; bawa't tatlong bwan; kwartel : Kwartel; táhanan ng mga kawal ó sundalo

Nagsisitaghuyan : Nananangis, umiiyak

Durungawan : Pasimano, bintana

Gibraltar :  Bato, moog, tangulan

Magdilang anghel : magdilang anghel ay sana magkatotoo ang sinasabi ng isang tao sayo, magkatotoo sana

Halimbawa ng Tula na May Sukat at Tugma

Halimbawa ng Tula na May Sukat at Tugma

Ang tula ay may labindalawang (12) pantig sa bawat taludtod (line) at may apat na linya sa bawat saknong (stanza).

Sa Huling Silahis

ni: Avon Adarna

1

Inaabangan ko doon sa Kanluran,

Ang huling silahis ng katag-arawan,

Iginuguhit ko ang iyong pangalan,

Sa pinong buhangin ng dalampasigan.

2

Aking dinarama sa hanging habagat,

Mga alaala ng halik mo’t yakap,

Sa bahaw na simoy ng pagkakasangkap,

Ay nagdaang samyo ng iyong paglingap.

3

Ginugunam-gunam, sinasaklit-anyo,

Ang iyong larawan at mga pagsuyo,

Ang lungkot ng diwa’t dibdib pati puso,

Sa kutim na ulap nakikisiphayo!

4

Sa pag-aagawan ng araw at buwan,

At pagkapanalo nitong kadiliman

Ay nakikibaka ang kapighatian,

Sa pangungulila sa iyong pagpanaw.

5

Ang iyong pag-iral, hindi na babalik,

Kahit na ako’y lubos na tumangis

Pag-ibig na lamang na igting na nais

Ang makakapiling sa huling silahis.

-

Isang halimbawa ng tagalog na tula na may sukat at tugma na tungkol sa isang pag-ibig na sawi dahil sa kamatayan.